كيف نقرأ؟ وماذا نقرأ ؟ كيف نقرأ ونستنتج؟
معني القراءة ؟
كيف نقرأ؟ وماذا نقرأ ؟ كيف نقرأ ونستنتج؟ ازي نقرأ كتب تضيف لينا وازاي نطلع المعلومة من الكتب ونستفيد منها؟
القراءة بتعرفيها الأشمل هي فهم حيثيات الأمور بمعني انك تحتاج تفهم ما وراء الرموز والحروف المكونة للكلمات المكونة للجمل.
فإذا كتبتلك عبارة زي Ich liebe dich انت بتفهم ان دي حروف اجنبية غير عربية وبتفهم أنه الكلمات المكونة من هذه الحروف غير إنجليزية لأنه الكلمات دي مش مرت عليك قبل كدا ؛وبالتالي الجملة غير إنجليزية ولأن الحروف لا تحتوي علي أي شرط مثل الشرط اللي موجوده في كلمة Café فهذه كلمات غير فرنسية وهذا إذا كنت دارس للغة الفرنسية وإذا كتبت جملة أخري مثل
Ich heiße wafaa.
فإذا كنت دارس للغة الألمانية أو كان عندك بعض المعرفة البسيطة عن حروفها المميزه واللي منها الاس تست ẞ فاذاً انت أدركت أنه الجملة الأولي ألمانية بس عشان شوفت الحرف الاس تست ẞ في الجملة التانية .
ودا الحرف اللي ميزته.
وبالمقارنة بين الجملتين الأولي والثانية بنلاقي Ich موجودة في الاتنين إذا حصيلتك المعرفية والادراكية زادت بأنه بس تشوف جملة فيها Ich ومافيهاش اي حرف مميز بتقدر تدرك أنه الجمل والكلام دا الماني.
كمان كونك تقدر تدرك معني Wafaa وأنه اسم بنت اللي هي انا😅 "وفاء" إذا جملة Ich heiße wafaa. جملة تعرفيه وبس تشغل عقلك شوية هتعرف أنه الجملة معناها أنا وفاء او انا اكون وفاء او انا اسمي وفاء .
إذن من خلال القراءة انت قدرت تفهم وتفك الرموز والحروف المكونة للكلمات والجمل وعرفت أنه الكلام الماني مع انك مش فهمت فهم كامل انت فهمت فهم جزئي.
وعشان نفهم الكلام اللي بنقرأه بشكل كامل لازم نكون دارسين للغة مش شرط دراسة أكاديمية ولكن دراسة بسيطة مع شيء من الاستمرار بنكون وصلنا للهدف المنشود أنه نفهم الكلام المقروء بشكل كامل .
فمثلاً لو انت دارس للغة الألمانية بتعرف أن معني Ich liebe dich. يعني " انا احبك" ومعني "Ich heiße wafaa " انا اسمي وفاء. ودا اللي استنتجناه سوا.
طيب ي ست وفاء انا فهمت من خلال قراءتي للكلام ورموز انا اصلا مش عارفها .
بس مشكلتي اني مش بقدر افهم الكلام العربي المقروء ...بلاقي صعوبة .
طيب ما دا يرجعنا لمعني القراءة الفهم لحيثيات الأمور .
يعني انت وبتقرأ بتحتاج تحلل المقال أو الكتاب أو الشيء المقروء لاجزاء .
بحيث تساعدك علي الفهم ؛بتحتاج تحط شوية أسئلة تساعدك تفهم بشكل أكبر ؛بتحتاج تشرح لغيرك وترجع تقرأ وتشوف فين الثغرات ونفهم الموضوع بشكل تاني.
نبقي" نتكلم عن دا في مقال تاني
حاجات لازم نعملها واحنا بنقرأ "
ومن الأشياء اللي ممكن تفهمك معني الشيء المقروء هو الآتي
لماذا نقرأ؟!
ليه بنقرأ وليه لازم نقرأ ؟
سؤال بسيط بس إجابته شوية صعبة.
في العادي المفروض نكون بنقرأ عشان نتطور عشان ننموا.
يعني اذا كنت دكتور طبيب وما كنت بتقرأ وبتابع المستجدات العلمية اللي بتكتشف يوم بعد يوم فا انت في حالة ركود طبي .
واذا كنت مهندس
ومش بتقرأ وبتتطلع علي احدث التصاميم
والخطوط وطرق البناء فأنت عندك ركود هندسي .
واذا كنت محامي ومش عندك إطلاع دائم علي كل ماهو جديد من المواد القانونية اللي بتتضاف للقانون أو النصوص الدستورية اللي بتتضاف فإذا أنت عندك ركود في سياسة العلمية القضائية واذا ...ممكن تمشي _يعني وعلي سبيل المزاح الجدي _ممكن يكون عندك قضية وتكون سبب في حبس موكلك بس عشان مش عندك إطلاع بالجديد في عالم المحاماة وأنه اللي انت واخده ثغره لبراءته أصبح إدانة في القانون الجديد .😅
وهكذا دواليك🤝😅
في جملة بتقول فيما معناها أن " الركود هو أساس الفناء فالماء يتعفن إن لم يتحرك والنبات يموت إن لم ينموا فكيف بعقولنا"
وانا اكمل واقول كذلك عقولنا إن لم نقرأ تموت.
القراءة بتساعدنا في اكتساب المعرفة، التجارب.
القراءة بتخلينا نعيش التجربة مش بس نعرفها.
كم مرة قرأت لكاتب حادثة مأسوية وبكتب معاه .
كم مرة قرأت لكاتب موضوع فكاهي وضحكت معاه.
اذا انت بتعيش التجارب أثناء القراءة مش بس بتعرف تجارب وبتلم حصيلة علمية أو معرفيه بخصوص الموضوع اللي تقرأ فيه .
ولأن
القراءة بدون فهم مشكلة كبيرة جداً عشان كدا لازم نفهم احنا بنقرأ اي .ودا في ماذا نقرأ.
ماذا نقرأ؟!
فكرة لازم تيجي في بال كل واحد فينا قبل ما يقرر يقرأ .
"انا هقرأ اي" سؤال سهل وإجابته بتختلف بالنسبة لكل واحد فينا.
فإذا أنا مهتمه بالجانب العلمي مش لازم اقرأ كل ماهو علمي بحتاج اخد زاوية معينه علي نوعية العلمي اللي بقرأه .
بالنسبة لي مجال البيوتكنولوجيا الزراعية هو اللي بشدني للاستمرار في القراءة.
بالنسبة ليك ممكن يكون المجال الطبي أو الهندسي ،
او أي مجال آخر .
واذا كنت بحب القراءة في المجال الأدبي فممكن تكون زاويتي الكتب اللي بنتمي مهاراتي وبتعلمني ازاي احافظ علي وقتي ازاي اتعامل مع البشر ممكن يكون مجالك شوية تاريخي أو جغرافي أو نوع من علم النفس؛ كتب مختلفه ،وليها زوايا مختلفة .
ماذا نقرأ ؟!
ممكن يعتمد علي نوع المادة المقروءة يعني أنا بفضل أنه ناخد العلم من الكتب ومن المقالات وليس من بوستات علي الفيس بوك او تويته علي تويتر .
وعشان اسهل عليك ماذا نقرأ زي ما غيرك سهل عليا 😅
في كام سؤال لازم نحطه في الحسبان قبل ما نبدا قراءة .
1.ما هو الهدف من القراءة؟ ودا بيكون بمثابة البوصلة .
2. ما هو شغفك ؟ اي الشيء اللي انت بتحب تعمل به.
3. ما هي حاجتك للنمو؟ اي الشيء اللي انت حابب أحسنه.
4. مهارتك؟ اللي حابب تطورها أو اللي حابب تحسنها.
ناخد مثال عشان الكلام بدأ يكلكع 😅
بالنسبة لي .
لما بدأت أقرأ كتاب الأب الغني الأب الفقير .
كان هدفي ؟
الوصول الحرية المالية
شغفي ؟ انا حابة اعمل شغل من الهوا من مافيش حابة استثمر وقتي ومعرفتي وجهدي في اني اعمل فلوس هتعمل هي بعد كدا فلوس .😅
حاجتي للنمو كتيره تطوير مهارة القراءة والسرد القصصي للكتب .
وتطوير أفكاري ومواكبة الافكار المعاصرة والاستفادة من أفكار الناس الاثيراء واعرف ازاي بيفكروا.
والاهم اعرف ازاي استغل الموجود من قدراتي في الحصول علي ما أريده.
مهاراتي ؟.
عندي مهارة الكلام الكتير ودي محتاجه اغيرها عن طريق اني انقل الأفكار الحلوه اللي عندي وأبطل كلام في الأشياء التافه .
بفهم بسرعه ومجرد ما بدخل في موضوع بفهمه .فليه مش أبدا اقرأ في مجال جديد عليا .
حتي لو اخدت القشور بس_ انا راضية_شيء عن كل شيء وكل شيء عن شيء.
والمهارات المفتقره؟. زي البرمجة محتاج اتعلمها والتصميم.
دي بعض الأسئلة وبعض الاجابات الشخصية
طبقها انت/ي بقي عليك/ي
ماذا نقرأ ؟
ممكن تقف كمان علي التميز بين الشيء اللي بقراه هل هو مفيد ام غير مفيد بدون تحيز للعقل أو العاطفة.
ماذا نقرأ ؟!
ممكن تقف علي نوعية الكتب يعني مش لازم اقرأ الكتب الاعلي مبيعا عشان اعلي مبيعا ممكن ابحث عن الكتب اللي لسه ليها أثر علي الناس ومافيش ملل من قراءتها عشان هي مواكبة العصر. او خلينا نقول انها متوافقة مع العقول علي طول الزمان .
كيف نقرأ ونستنتج ؟!
ساعات كتير بنقرا بس بنبقي مش فاهمين اللي بنقرأ ودا مشكلة زي ما قولنا .
وقبل ما نجيب العيب علينا .
ممكن نفكر ...في كام حاجه ممكن تكون هي العيب ، ودا عن طريق أننا نحلل المشكلة ؟
1. هل نوع الكتاب هو اللي جديد عليا مثلا عشان كدا مش عارف استنتج الأفكار أو افهم اللي المفروض أفهمه؟
2. هل مثلا المشكلة في اني بقرأ وانا قاعدة وبقالي فترة طيب لما أقف كدا واشوف هيحصل اي ؟
3. هل هي المواضيع اللي مكتوبة هي اللي مش مفهومة وغريبه عليا عشان كدا مش فاهم ؟
ام أسلوب الكاتب مثلا هو اللي غريب؟
هل مثلا الضوضاء وصوت ام علاء بتصحي علاء او خلينا في نياظي😅 🤝
ايوه فك كدا وفرفش انا عايزه مصلحتك؟!
نسيب نياظي دلوقت 😅 ونكمل.
كل دي حاجات ممكن افكر فيها هل انا مش عارف استنتج بسببها ولا في اشياء تاني .
ازاي احافظ علي مبادئ أو ازي ماابعش نفسي لافكار بقراها
لازم تكون صاحي كويس لبعض التحيزات اللي ممكن تقابلك
وهي كتيره، عشان ما يحصل مسح لعادات وتقاليد وأمور دنية عشان ماتنساقش لأفكار بتخالف مبادئك.
هقولك على شوية منهم و احضر الكورس وهتعرف الباقي.
تحيز التاكيد
"هل نحب ما نقرأ لانه بيتفق معانا ولا عشان هو صح "
تحيز أو تأثير المعلومة النائمة
عقلنا بينسي مصدر المعلومة قبل ما ينسي المعلومة فخد بالك انت بتدخل معلومات شكلها اي لانه دا ممكن يأثر علينا عن طريق تحيز الاعادة.
تحيز الاعادة
تكرار قراءة الكلام نفسه سواء لنفس الكاتب أو كتب مختلفه بتناقش الموضوع بنفس الرؤية دا بيخلينا نصدق انها صح حتي لو كانت المعلومة دي عكس العدادات والتقاليد.
زي حكاية المسلسلات والافلام واللي بيحصل فيها. زمان كنا بننكرها دلوقتي لو شوفنها علي أرض الواقع مافيش مشكلة ومش هتتحرق قلوبنا علي اللي بيحصل زي زمان الا ما رحم ربي طبعاً.
تحيز العرض
كتير مننا بيسمع تلخيصات كتب وعرضها واهم 7 كتب لازم تقرأهم وبناخد الموضوع كمسلمة وانو حياتي واقفه علي الكتب دي ممكن عشان نبحب الشخص اللي بيعرض علينا الكتب. اوي اي سبب تاني .
فلازم نبقي صاحين.
باقي التحيزات هتعرفها من الكورس مش حابة احرقه اكتر من كدا .
قبل اختيار الكتاب
قبل ماتقرر تقرأ الكتاب لازم تبقي عارفه ليه الكاتب كتب الكتاب دا ،يعني سيرة ذاتية للكاتب ولا حصل حدث جلل خلاه يكتب هذا الكتاب ولا اي.
لازم تعرف هل الكاتب عنده كتب كمان غير دا وهل كلها نفس النوع يعني كلها تاريخه ولا ادبيه ولا تنميه ولا علميه ولا بيكتب كتب مختلفه بمجالات مختلفه.
وغيرها كتير اساله.
الوقت
لازم تحط وقت للكتاب في اليوم تقرا منه ،مش شرط كتير ممكن قبل النوم كوقت محدد في قبل القراءة بس نستمر عليها بتفرق.
كدا أنا خلصت وانت كمان يعتبر خلصت أبدا بقي بالتطبيق وادعيلي.
تقدر تكتب كومنت وتقولي رايك او الموضوع اللي حاببنا نتكلم عنه وبإذن الله نعمل كدا قريب .
لينك الكورس علي ادراك من هنا
اديها قصه علي مواضيع هنا
- كورس power english لتعلم الانجليزيه من هنا