13 موقع كورسات ودورات في مجالات مختلفه كفاية فيسبوك
هنكسب اي واحنا طول اليوم نسكرول علي الفيس بوك او علي اي بلات فورم تانية مش هنكسب شيء اكيد ،الا اذا كان شغلك بيعتمد علي حاجه زي كدا ساعتها وقتك بفايده؛ لكن لو مش عندك شغل بيعتمد علي أنك تكون اونلاين علي الفيس بوك فتعالي اقولك تضيع وقتك في اي مفيد.
اليوم معانا مواقع مهمة جداً ومفيدة هتفيدك علي الصعيد المهني والشخصي والتربوي .
تعالوا معايا نبدا مع كل موقع حبة بسيطه ونعرف بيقدم اي ممكن يفيدنا في حياتنا 🤗🌼
البداية🏃
أول موقع: Code Academy
من اسمه كدا بنعرف أنه موقع لتعلم لغات البرمجة زي الجافا سكريبت وال CSS و ال HTML
وكناا اتكلمنا قبل كدا عن البرمجة واي هي؟ في مقال هسيبها هنا وفي مقاله تانية بردوو جمعنا اهم 41 قناة مفيده وممتعه علي اليوتيوب وانه المفروض استغل وقتي الضايع واتفرج عليها كان فيها جزء عن قنوات البرمجة هتلاقي لينك المقال هنا
وعشان نقلل بقدر الإمكان من التشتت اللي ممكن يحصل أثناء التعلم جمعنا ليكوا موقع كود اكاديمي لينك الموقع من هنا
تاني موقع :كورسيرا
ومين فينا ما يعرفش كورسيرا ، مين فينا بجد مش بيستفاد منها ، انت طاب تعال👊👊👊👊😂😂🤭
ازاي يعني دا البطل بتاعنا في الوقت اللي كل والمواقع أو معظمها أو كتير منها عشان فيه حرام مواقع حلوه المهم أنه في الوقت اللي كل حاجه بلفوس كورسيرا عليها اكتر من 800 كور س أو دورة مجانية بيتكلموا بس عن بداية الإنترنت الي الهندسه الماليه .
تخيل بقي تدخل وتدور علي مجالك كام كورس ممكن تلاقي 🙄
كتير ي صاحبي كتير 👏👏👏
كمان الكورسات علي كورسيرا بشهادة بس سامعك ياللي بتقول بفلوس أيوة يااخويا بفلوس بس ممكن تطلب دعم وتاخدها هي كمان بشكل مجاني ... وبعدين الشهاده مش مهمه المهم العلم ودا هتلاقيه بسهولة علي كورسيرا أن شاء الله لينك الموقع من هنا
ولو حابب تنزل التطبيق عشان يبقي اسهل ليك فاللينك هنا
تالت موقع: _ Digital Photography School
بتحب التصوير الفوتوغرافي ونفسك تتطور المهارة ؟
مش عندك المهارة أصلاً ونفسك تكتسبها ؟
الموقع دا مش بس هيحسنها لا هيعلمك فنونها كمان لو مش متعلم او لو المهارة دي مش عندك .
كمان الموقع فيه ميزه حلوه حبيت انوه عنها 😂 اقولك عليها يعني الموقع عليه منتدي دائما نشط هيفيدك في اي ؟ اقولك هيفيدك في أنه هتعرف ناس من مجالك أو المجال اللي بتتعلمه كله بيعرض صوره او بيعرض الصور اللي حابب يعرضها والاعضاء في المنتدي كل واحد بيقول رأيه وتخيل بقي العظمة لما كل واحد يقولك القصور في الصورة اي وكل واحد ليه وجهة نظر مختلفة وتطبق انت بقي وتطلع باحسن جودة ، تخيل بس شكل شغلك هيبقي اي علي الاساس دا ...حاجه عظمه من الاخر 👏👏👏
لينك الموقع هنا
رابع موقع : دولنيجو Duolingo
اتكلمنا قبل كدا عن الإنجليزي والله اللغة مهمة ي جدعان هههههههههه نهتم بيها شوية🙄👊
والموقع دا خرافي اللي يعرف ازاي يستخدمه عشان يقدر يتعلم اللغة أو يحسنها لينك الموقع هنا
كمان دا موقع ممكن تمشي في الاتنين بالتساوي وربنا يكرمك وتفلح آمين 🤲
ولو عايز تعرف ازاي تحسن مهاراتي القراءة والاستماع هنا
ولو عايز تعرف ازاي تحسن اي لغة بتتكلمها أونفسك تتعلمها هنا ولو عايز تعرف اهم قنوات تعلم الانجلش علي اليوتيوب هتلاقيها هنا وهنا
امسك نفسك بس انت وظبطت ورقكك وانت هتتعلم صدقني بالتوفيق آمين 🤲
خامس موقع: ادكس EDX
حاجه عظمه كدا زي كورسيرا عليه شروحات علمية وهتقدر تستفيد منه بشوية معلومات حلوة اللينك هنا
سادس موقع: Factsie
بتحب التاريخ أو مهتم بيه دائما بتحب تعرف اصل الشيء أي سواء من ناحية كونه حقيقه تاريخية أو علميه وتكون مطمن من المصدر Factsie بيعمل كدا دخله بس اللي انت عايز تعرف عنه وهو هيجيبلك كل المعلومات ومصدرها لينك الموقع هنا
الموقع السابع : Fast company's 30_second
كلنا بنتعلم من بعض. تجاربنا بتخدم غيرنا وتجارب غيرنا بتخدمنا الموقع دا بيخدمك بطريقة جميلة عن طريق الفيديوهات القصيره الموجودة عليه .
الفيديوهات دي عباره عن مديرين تنفيذين بيتكلموا عن تجاربهم بشكل يخليك تتعلم وتشتغل وانت مستمتع ، نقدر نقول عنه انو باور بانك لبطارية الإرادة والعزيمة بتاعتك لما تنتهي تجاه عمل أو تعلم ...والباو بانك الاقوي هو الصلاة وانك تتعلم وتعمل لله هتستمتع اكتر حقيقي ، وعشان احنا بناخد بالاسباب فانك تشوف تجارب الغير وتتعلم منها يعتبر سيب اخدت بيه .
والموقع دا بيعمل كدا ،لينك الموقع هنا
الموقع الثامن : Freeice
الموقع دا حلو جدا وهيفيدك بجد هيعلمك ازاي تتكلم مش لغة معينه لا بمستوي معين يعني هيعلمك كلمات تتكلم تقدر تستخدمها لما تتكلم مع حد اقل منك ماديا أو جسديا أو مركزاً وبالتالي تقدر تتعلم بردوو ازاي تتكلم مع الاعلي منك من الآخر هيوسع مفرداتك اللغوية الموقع هنا
الموقع العاشر:Instructables
عايز تعرف اكتر عن مهارة معينه او موهبة نفسك تتعلمها أو انت حرفياً دايس فيها بس حابب تطورها الموقع دا
موقع فني بيعرض مقالات وفيديوهات عن تعليم حاجات زي الرسم، الطبخ، والتزين ،وترتيب البيت، وتصليح الاشياء ،وعمل حديقة ،وعمل خطط عمل يوميه ؛وغيرها...
لينك الموقع هنا
الموقع الحادى عشر:Khan academy
موقع كبير جداً عليها كمية معلومات في صورة كورسات رائعة حقيقي بيهتم بمجالات زي الرياضيات والتكنولوجيا الحيوية ومنها الهندسه الوراثيه الموقع حلو حقيقي ليه كمان ابلكيشن تقدر تحمله من هنا
والموقع تقدر تدخل عليه من هنا
الموقع الثانى عشر : Learn Vest
مهتم بالمال ؟! بس دائما بيضيع منك في حاجات غير ضرورية ؟...الموقع دا هيعلمك أساسيات إدارة الأموال الخاصة بيك والتمويل لينك الموقع هنا
الموقع الثالث عشر:Investopedia
شبه الموقع اللي فات شوية ،بتقدر تتعلم من خلاله كل شيء عن الاستثمار والتسويق والتمويلات الشخصية لينك الموقع هنا