الفكرة بتقوم على إن كل واحد فى البلد وهو رايح يصلى الجمعة ياخد جنيه معاه و يحطه فى صندوق اسمه ( جنيه كل جمعة ) ،،

جنيه واحد بس .. مش كل يوم .. دا جنيه كل جمعة ..

لو قلنا إن عدد اللى بيصلوا الجمعة حوالى 5000 متوزعين على كل مساجد البلد ،،

هيكون معانا فى الأسبوع 5000 جنيه ..

نضربهم بقا فى 4 أسابيع فى الشهر = 20 ألف جنيه ..

20 ألف ... دا ف شهر واحد بس ..

دا غير إن فيه ناس ممكن تدفع أكتر من كده ..

مش ممكن بال 20 دول كل شهر نجهز عروسة ؟؟

مش ممكن بيهم نساعد مجموعة من الأسر الفقيرة ؟؟

مش ممكن نساعد يتامى ؟؟

مش ممكن نساعد مريض فى علاجه ؟؟

مش ممكن نساعد الطلاب غير القادرين ؟؟

ممكن ولا لأ ؟؟؟

الجنيه مش هيفرق مع اللى هيدفعه ..

بس هيفرق مع ناس تانية محتاجة مساعدة ..

ياريت لو عجباكم الفكرة تحاولوا تفعلوها عن طريق طرح الموضوع على أئمة المساجد

ويكون قائم عليها الائمه وناس افاضل قائمين علي الصلاة في أوقاتها للمتابعه

ويكون كل واحد مختص بالمسجد اللي تبعه عشان يكون رسمى ..

وبعد ما يتم باذن الله كل مسجد ومسئولينه يعلنوا عن العمل اللي خرج وكل مسجد يكون مسئول عن المحتاجين بالجهه اللي تخصه بكدا مساجد البلد هتغطي كل الأسر المحتاجه بالبلد

وداخل علينا رمضان وكل عام وانتم بخير ويجعلنا سبب في سعادة المحتاجين

فكرة بسيطة .. ممكن تحقق أحلام كتييييرة .

علاج جلد الذات
جلد الذات في الإسلام
جلد الذات في القرآن
جلد الذات النفسي بالانجليزي
حب الذات
تقدير الذات
التخلص من لوم الذات
علم النفس

اقرا ايضا 
اهم 10 مميزات لاى شخصيه ناجحه
https://bit.ly/3DGS2G2