الوصايا السبعه لطلاب الجامعه! 7 حاجات لو عملتهم في المرحله الجامعيه فأنت المستفيد!
المرحلة الجامعية هي اهم مرحلة في حياتنا ودا لانها بتعني لينا نهاية مسارنا التعليمي أخيرا! 🥳
وفي المقال دا هقولك علي اهم 7 وصايا او نصائح تقدر تطبقها خلال تعليمك الجامعي عشان تحصل علي اكتر من ميزه وتكون خريج وعندك خبره كافيه تؤهلك لسوق العمل أو علي الاقل تحدد ليك انت ممكن تنفع في اي :
1/خليك عارف ان انت حر:
ممكن النصيحه دي تكون بديهيه أو معروفه لينا كلنا لأننا بالفعل احنا احرار. لكن اللي ممكن يغيب عننا اننا ممكن نكون لسه متقيدين بمرحله الثانويه العامه في حياتنا ودا لانه في خلال الفتره كان الضغط علينا سواء من ناحيتنا او من ناحيه الاهل او الاصحاب او المجتمع عامه؛ وان كلنا كمجتمع بنشوف ان المرحله دي مهمه وبنتعامل معاها على انها يعني سنه او سنين من العزله بهدف ان انا يعني اجيب مجموع يكون مناسب ان هو يدخلني كليه سواء انا حاببها او الاهل حبينها او المجتمع ككل.
لگن حته القيود دي في الكليه بتكون اقل من عليا شويه لان انا في الكليه بيكون خلاص انا عرفت نفسي انا فين يعني انا خلاص كده دخلت كليه طب، دخلت كليه الصيدله، دخلت كليه تربيه، ايا كان أنا خلاص عرفت الكليه اللي دخلتها.
فدلوقتي بعد مرحله اقتناعي الكلي بيها لازم اعرف ان انا حر انا خلاص دخلت كليه وما فيش في ايدي حاجه تانيه اعملها تغير قرار دخولها عشان كدا لازم اعمل اني اطلع منها باكبر مكسب ممكن.
بس مش معنى ان انا حر اني ما التزمش الحريه يعني مسؤوليه.
فأنت كشخص ملزم بنفسك وبتطويرها من جميع الجوانب خلال سنين الدراسه الجامعيه.
2/لا تكتفي بالكليه فقط:
فتره الكليه من الفترات المهمه جدا في حياتنا لأن حصيلة معلوماتك وخبرتك بتزيد خلالها سواء من ناحيه التخصص او من ناحيه المهارات التانيه؛ واللي مهم انك تركز عليها لأنها لا تقل اهميه عن المقررات الدراسيه او عن اهتمامك بتخصصك. مهارات زي التواصل والعمل الجماعي والاقناع والنقاش وغيرها اللي بيندرج تحت مسمي ال مهارات الناعمه Soft skills ممكن تكون الفرق بينك وبين حد تاني في انه يكون في مكانه افضل منك، حد تاني ممكن يكون اقل منك من حيث الحصيلة العلميه التخصصية ولكن اكتر منك من حيث المهارات الناعمه حد حرك كدا وبيعرف يستخدم مهاراته في انجاز العمل. فدا هيكون المفضل ليا انا كصاحب عمل .
فلو حتي انتوا الاتنين متساويين من الناحيه التعليميه فأكيد الافضليه والاختيار هيقع علي صاحب المهارات.
والأمريكي مايك روي تقول: “not all knowledge come from college” بمعني مش كل المعرفه بتيجي من الكليات.
مظعم خبراننا بتكون بتجارب.
وأهم فتره تساعدك علي اكتساب الخبرات دي هي فتره الكليه لانك بتكون غير مقيد فيها سواء خلالها او بعدها عشان كده استثمرها صح.
3/اتعلم الانجلزيه واستمر في تطويرك ليها :
محدش دلوقتي عنده شك ولو واحد في المليون بضرورة وأهمية ان يكون عندك لغه تانيه وان ماكانش اكتر من كده، وأهم لغه حاليا هي الانجليزيه.
لأنها هتفتحلك ابواب كتيره للعمل سواء واقعي او افتراضي.
اللغه الانجليزيه مهمه وانت لازم تمارسها بشكل يومي عشان تتقوي فيها ويكون عندك فرصه افضل في التواصل والاقناع والحصول علي وظيفه افضل.
ودول كام مقال هيساعدوك في التعلم كل اللي عليك تضغط هنا وهنا وهنا وهنا ولو اكتر تصفح في المواقع هتلاقي مقالات كتير بتساعدك
4/ احضر ندوات وورش عمل علي اد ما تقدر :
اي اتحاد طلاب محترم بيحاول يوفر للطلبه بتوعه كورسات وورش عمل تفيده سواء كانت خاصه بالمجال او التخصص او سواء كانت ندوات تنميه وتطوير للذات، كون ان انت تتابع النداوت والورش دي خلال الجامعه وتستفيد منها بحضورها _طبعاً بشكل لا يؤثر علي محاضراتك وحصيلتك التعليميه _ كل ما انت هتزيد معرفه وهتزيد علاقات ترفعك لفوق؛ فنصيحه مني استثمر في الحاجات دي هتنفعك.
كمان حاليا فيه محاضرات على الإنترنت ممكن تفيدك سواء في مجالك او في مجال انت شغوف بيه فاستمثر وقتك في انك تعرف شيء عن كل شيء وكل شيء عن شيء، ومن المنصات دي منصة TEDX سواء العربيه او الانجليزيه، والمنصه دي عباره عن لقاءات مع اشخاص بيحكوا تجارب مروا بيها او مهارات اتعلموها او حقائق علميه توصلوا ليها او درسوها.
ولو هتابع حاجه كدا ب الانجليزيه فانت هتقوي حصيلتك المعلوماتيه واللغويه، ولو هتابع حاجه كجا في تخصصك فانت هتقوي نفسك في تخصصك كمان.
5/ اشترك في نشاط طلابي :
لو انت ك طالب مش قادؤ تشتغل، أو كان عندك وقت فراغ كبير، فانصحك بانك تشترك في اي نشاط طلابي في كليتك، لأن دا ممكن يعمل علي تقويه مهاراتك من نفس الناحيه في النقطه السابقه كمان يقوي عندك المهارات الناعمه اللي اتكلمنا عليها في اول نقطه ركز معايا.
6/ اشتغل گ FreeLancer :
العمل من المنزل او العمل الحر علي مختلف وسائل التواصل الاجتماعي بيكبر وبينتشر يوم بعد يوم وانك تشغل وقتك بشغل زي دا هيوفر ليك دخل مادي مناسب ليك ك طالب وكمان هيزود من خبراتك وتجاربك.
وكمان بيوفرلك وقت عن غيره من الاعمال العاديه اللي بتحتاج فيها انك تنزل الشركه او مكان العمل وانت حرفياً بتكون مدير نفسك في النوع دا من العمل ودي مقال 9 نصائح ليك كفريلانسر مهم انك تعرفها.
7/ اتعلم علي اد ما تقدر :
انا وانت مش هنعرف احنا هنعرف نشتغل في العمل دا او غيره الا بعد التجربه في اكتر من مجال، والمجال اللي نلاقي فيه شغفنا ونفسنا واننا نقدر نديه هو اللي هنشتغل فيه.
ولانه انا وانت كمان مش عاربين اذا كان التخصص هيكون هو مجال العمل بتاعنا ولا لا فانه نتعلم من دلوقت ونخوض تجارب كتير ونجرب نشتغل في مجال واتنين وعشره هيساعدنا نلاقي نفسنا في مكان نقدر نفيده ونستفيد منه.
عشان كدا اتعلم اي حاجه تيجي في بالك انك تتعلم عنها، وسع مداركك وخلي عندك خلفيه عن كل المجالات والمجال اللي تلاقي نفسك فيه توسع فيه اديه طاقه اكبر وقت اكبر عشان يديك من علمه اللي يؤهلك انك ترفع من مكانتك العلميه والعمليه والاجتماعية.
وبكدا انا خلصت مقال اليوم وزي كل مره دول كام مقال احب انك تشوفهم لو مهتم بيهم مقالات في اللغه الانجليزيه وتعلم المهارات والشغل ك فري لانسر او الشغل من المنزل.
سلام.... اشوفك على خير يا صديق 😊
- 9 نصائح ليك كفريلانسر مهم انك تعرفها من هنا
- افضل تطبيق لتعلم الانجليزيهELSA من هنا
- اقوي محاضرات وTED Talks ملهمه فعلا من هنا
- افضل تطبيقات للطلبه في الدراسه من هنا
- أفضل ٢٠ قناه لتعلم الانجليزي علي اليوتيوب موجودين هنا
- دورة مجانيه من جوجل بالشهاده لتعلم التسويق الرقمي من هنا
- دورات اونلاين مجانيه لتعليم الثقه بالنفس موجودين هنا