ما الفرق بين عقليه الغني وعقليه الفقير؟
دليلك لتحقيق الحريه الماليه؟
لماذا أنا فقير؟ ولماذا هو غني؟
مايتضمنه المقال : كيف تصنع المال؟
هناقش في المقال دا مجموعه قضايا هي الفرق بين أن فلان عني وانت فقير.
لما نيجي نفكر في السياره كيف بتسير هنلاقي انها بتحتاج معدات وميه وبنزين معين ومحرك وغيرها كتير اشياء واحنا لازم نمر بقضايا معينه عشان نعرف نحركها (( قواعد السواقه)) ، كذلك الغني (( اي شخص لديه مال)) بيمر بمجموعه قضايا او افكار لازم يتفاعل معاها بأسلوب يضمن ليه انه يزود من ماله ويكون غني.
ملحوظه
مش عايزين نطلع من المقال دا بشيء من عدم الرضا او القنوط والسخط من الله_ عز وجل_ لأنه ربنا مدينا كلنا نفس المقومات اللي تساعدنا إننا نكون اغنياء وبيبعتلنا الفرص اللي تؤهلنا ولكن الفرق في ازاي احنا بنتعامل معاها؟
فلو كنت غني لا تغتر واذا كنت فقير لا تتضايق.
الفرق الأول :تحمل المسؤليه:
لو مسكت كتاب بغرض انك تقرأه، وما تحملتش مسؤوليه انهاء القراءه بمعني انك هربت لأي سبب زي انه مش من ميولك او من المقدمه قولت انه مش مفيد بالنسبه ليگ، فأنت تمتلك عقليه الفقير!
لو انت بتشتغل في دوام كامل 8 او9 ساعات وما تحملتش مسؤليه انك تخلص الشغل، فأنت تمتلك عقلية الفقير!
فالقاعده الاساسيه ال Basic هو تحمل المسؤليه، لو انت مش هتتحمل المسؤوليه يبقي بلاش تبدأ من الاول.
زي كدا الفلوس او المال، يلزمه تحمل ال مسؤولية، بمعني أن الغني اذا خسر بيعترف بخطأه ويبحث عن سبب الخساره وبيعالجها وبيتحمل خسارته دي، اما الفقير فهو بيكون في الغالب ضحيه من وجهة نظره طبعاً، بيرمي اللوم على اي حد الا هو، فلو انت بترمي اللوم علي المجتمع والناس وبتعيش دور الضحيه فأنت عمرك ما هتبقي غني وعمرك ما هتستحق الثراء.
فالفكره هنا انك ملزوم انك تتحمل مسؤولية صنع المال، وتتحمل مسؤوليه الخساره وتعترف بيها وتعمل علي حلها، زي بالظبط ما بتفرح بالمكسب.
ثانياً : تعريف الغني؟
لازم تعرف تعريف الغني، والغني ببساطه هو ما يأتيه من مال اعلي مما يصرفه والشخص دا كلما قل ما يصرفه زاد غناءه يعني كل ما كان الفائض اكتر كلما أصبح غني.
وبالتالي انت بتصبح غني عندما يزيد ايرادك عن مصروفك ( خلال فتره زمينه) ، فأنت هنا ليس فقير، انت غني، وبإمكانك أن تتدرج في سلالم الغني وتصبح ثري او فاحش الثراء.
اما الشخص الفقير، فمجموع ما يأتيه اقل مما يحتاجه او يصرفه شهريا.
هذا هو المعيار الأساسي للفرق بين الغني والفقير! مثال عشان اوضح ليك الصور
سين من الناس يحصل علي راتب شهري 5000$ ومصروفه 5200$هو فقير طبقا للتعريف ، في حين ان صاد من الناس يحصل على راتب شهري 1000$ ومصروفاته تقدر ب 900$ اذا هو غني طبقا للتعريف.
فالفكره مش في كام بيقبض او بيحصل علي اموال في نهايه الشهر او اي مده، الفكره في انه كم بيصرف وكام بيتبقي معاه بعد مصروفاته دي.
ولأن ملايين من الناس تصنف علي انها فقيره، فاذا انت ايراداتك اعلي من مصروفاتك فأنت ب تصنف غني، ف أعمل علي زياده ما عندك من مال.
ثالثاً : لم نخلق فقراء :
ربنا لم يخلقنا عشان نكون فقراء يقول الله عزى وجل في كتابه : وَآتَاكُم مِّن كُلِّ مَا سَأَلْتُمُوهُ ۚ وَإِن تَعُدُّوا نِعْمَتَ اللَّهِ لَا تُحْصُوهَا ۗ إِنَّ الْإِنسَانَ لَظَلُومٌ كَفَّارٌ﴾[ إبراهيم: 34]
ويقول ايضا : : الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللَّهُ يَعِدُكُمْ مَغْفِرَةً مِنْهُ وَفَضْلاً وَاللَّهُ وَاسِعٌ عَلِيمٌ [سورة البقرة:268]،
ف الله لم يخلقنا لنكون فقراء، _سبحانه_ خلقنا قادرين علي الانتقال من معادلة الفقر الي معادلة الغناء وتحقيق الثراء، وانت كشخص ملزوم منك تبقي غني لنصرة هذا الدين.
فانا فقير عندي مشكله ادور وابحث ازاي احلها، عشان ابقي غني، ليس من اجل المال فقد ولكن ايضا لأن ( المؤمن القوي خير واحب إلي الله من المؤمن الضغيف وفي كلا خيرا ).
رابعاً : الهدف من جذب المال / النيه
ليه انت عايز تبقي غني، عشان تاكل وتشرب وتسدد فواتيرك، انت كدا لسه بتمتلك عقليه الفقير، عقليه الغني تبحث عن اهداف تجذب لها المال، مال ياتي بالمال، ودا مش معناه اني ادور علي طريق تجيب ليا المال بدون عمل، لأنه الإنسان اذا توقف عن العمل يمرض تصيبه الهموم، الله يرزقنا العمل لاخر نفس لينا.
ولكن عقليه الغني تحب المخاطره تبحث عن الاستثمار، معي 100 جنيه ازاي اخليهم 200 دي عقليه الغني لكن معي 1000 ازاي احافظ عليهم 1000 زي ما هم دي عقليه الفقير لانه ببساطه قيمه الفلوس او المال تقل مع الزمن.
فاذا انت تبحث عن المال لتأمين حياتك علي المستوي القريب نصحيه راجع قناعاتك.
ولازم يكون عندك اهداف طويله المدي.
وخليك دايما طموح، كبر افكار وكبر مشاريعك من حولك واطمح انه تحقق الثراء من باب ان هذا رزق من الله وانك ملزوم بالسعي لتحصل عليه ومن باب نصره هذا الدين كما وضحنا.
اذا كنت تريد أن تحقق الثراء عليگ بايجاد المشكله :
لو قدرت انك تلاقي مشكلة حقيقه وتلاقي ليها حل، فابشر انت علي اول خطواتك من تحقيق الثراء.
معظم الأثرياء وجدوا مشاكل واوجدوا الحلول.،فمثلا اوبر وجد المشكله عدم امان، طرق الدفع، المظهر، السرعه واوجدوا الحل تطبيق أمن يمكنك الدفع فيه بأكثر من طريقه مظهر لائق بخلاف اي مشروع او تاكسي، سرع الحصول علي وسيلة الانتقال هذه، وغيرها الكثير، الآن اوبر من اغني الشركات لانها تستطيع تبيع تطبيقها لاكتر من حد محتاجه. اذن
الثراء = مشكله + حل
اوجد المشكله واوجد الحلول.
ومش شرط هنا ان الحل يكون احترافي ومن الاخر، لا خالص ممكن الحل يكون بسيط وشوية شويه انت هتكتشف الثغرات وتعمل علي تطوير.
جازف وخلي عندك روح المخاطره.
خامسا :واجه التحديات / المخاطره :
لازم تبقي عارف ان رحلة الثراء رحله مليئه ب التحديات والمخاطر، تخيل انت عايز تبني عضلات لبطولة هل لو روحت الجيم من تاني يوم هتبقي عندك العضله دي خالص، انت محتاج تتدرب كل يوم من ساعه لساعتين والبداية بتكون اوزان حفيفه لحد ما شويه شويه تقوي عضلتك وتقدر انك تزود الأوزان عليها، كذلك رحله الثراء بتحتاج تعب بتحتاج تحدي وانه يكون عندك روح المخاطره، مش دخلت مثلاً مشروع وفشلت فيه او اتنصب عليك يبقي خلاص كدا لا مش نهايه الدينا هي جرب وحاول مره واتنين وتلاته وعشر لحد ما توصل ما تيأسش.
سادسا : لو جاءتك فرصه امسك فيها :
ماهي الفرصه : الفرصه هي مساحه جديد للتقدم.
عقليه الغني البحث عن الفرص لخلق مساحه تجعله يتقدم ، بالعمل علي الربح والاستفادة منها باكبر قدر ممكن، عقليه الفقير عدم البحث عن الفرص بل ان الفرصه قد تأتيه من الله عز وجل ويرفضها لأسباب قد تكون غير كافيه لرفضها، غير من عقليتك واتعلم تبحث عن الفرصه وتقتنصها وصدقني الفرص هي اللي هتبحث عليك بعد كدا.
ابدا من الآن ابحث عن فرصه في محيطك تقدر تستفيد منها وتكون دي بدايتك لرحله تحقيق الثراء والحريه الماليه.
سابعا : تقدير العلم والنمو :
لو بصينا علي الدول الغنيه هنلاقيها هي ا لدول اللي بتهتم بالعلم، والمعرفه، في حين ان الدول الفقيره او ما دون الفقر لا تمتلك لا علم ولا معرفه، كذلك الغني، يهتم ويقدر العلم والمعرفه، بيحب انه يكون علي اطلاع دائم في كل ما هو جديد بخصوص مشروعاته.
فاذا قررت تدخل عالم المال اقرا عن المال.
وتذكر إننا امه اقرأ
في النهايه :
حابه اختم المقال بدراسه عملها بعض العلماء علي ادمغه اطفال ولدوا اغنياء وآخرين ولدوا فقراء وجدوا أن هناك اختلاف، ليه.؟ عشان اسلوب التربيه، ولأن التربيه ما هي الا نواه لتعيلم اللغه الدين واي اسلوب في اساليب الحياه فالطفل الغني يكون صاحب فكر وعقليه غنيه ولكن مش معني كدا ان الفقير لا يمكنه ان يصبح غني، بالعكس معظم أثرياء العالم لم يكونوا اغنياء بالوراثه كانوا فقراء او متوسطي الدخل ولكنهم استطاعوا ان يغيروا من افكارهم بالشكل الذي يتناسب مع ما لديهم من مال ( استثمار) بروح من التحدي ( المخاطره) بشيء من تحمل المسؤوليه ( المكسب والخساره).
لذلك اريد منك أن تتعامل مع تحقيق الحريه الماليه علي انها قضيه لها اسباب ولها نتائج، عليك أنت ان تجمع الاسباب ل تحصد النتائج ليس من باب المال فقد كما وضحنا ولكن من باب (المؤمن القوي خير واحب الي الله) من باب نصره المظلوم من باب ان الله لم يخلقنا لنكون فقراء.
وقبل كل شيء عليك بالدعاء ولانك تدعي بشيء مادي لازم تبقي عارف انك لازم تبذل ما هو مادي عشان تحصل عليه.
قل الله وادعي وانت مؤقن بالاجابه ولكن اعلم ان التحدي يأتي بعد الدعاء.
فالمال او الرزق لن يأتيك وانت في سريرك عليك ان تعمل.
انا كدا خلصت لو عندك افكار او فروق تانيه بين عقليه الغني وعقليه الفقير شاركها معانا في كومنت.
ودي مقالات احب انك تطلع عليها