ماهي اهم النصائح للعمل من المنزل؟ اهم 9 نصائح للعمل الحر        

انك تشتغل من بيتك بقي خيار متاح للكل دلوقت سواء انت موظف فعيلا في شركه او مؤسسه او صاحب مهاره تقدر تقدمها لعميلك من خلال الانترنت. 

كمان مش بس انت كصاحب عمل حر اللي ممكن تكون بتفكر بالعقليه دي، بل ان كثير من الشركات بتطلب من موظفيها انها تشتغل من المنزل ودا زاد بشكل كبير بعد جائحة كورونا. 

لكن فكره انك تشتغل من المنزل ب تحتاج لكتير مقومات عشان تنجح وعشان يكون ليك تأثير او علامه وسط كتير من اللي اخدوا النوع دا من العمل وسيلة دخل ليهم. 

وفي المقال دا هنقولك على بعض النصائح اللي ممكن تساعدك من انك تنجح لو طبقتها. 

واكيد انت هتكستب المزيد من الخبرات والتركيات اللي ممكن تميزك عن غيرك ودا باستمراريه العمل واستمراريه تطويرك من نفسك ومن عملك. 

اتمنالك التوفيق واسيبك مع باقي المقال.

يعني اي انك تشتغل من بيتك او العمل من المنزل او Work from home? 

 نتيجه للتقدم التكنولوجي الرهيب اللي احنا عايشين فيه حالياً واللي مستمر وبيزيد بشكل خيالي بمرور مش السنوات ولكن اللاحظات بقينا نقدر نشتغل من المنزل او نحقق مفهوم ال Work From home؛ لأن دلوقتي انت كموظف مش لازم تنزل مقر عملك او شركتك او اي مؤسسة انت تابع ليها او ضمن اعضائها عشان تنفذ الشغل اللي مطلوب طالما أنك هتقدر تعمل نفس الشغل من بيتك. 

ازاي؟ عن طريق التواصل عبر الإنترنت وتحديد الأعمال اللي المفروض انت كموظف تعملها وبعد ما تخلصها بتسلمها لمديريك او تشاركها مع باقي اعضاء فريق العمل عن طريق الانترنت. 

طيب دا لو انت فعلاً ضمن مؤسسة او شركه لكن لو انت مش ضمن شركه وحابب انك يبقي ليك مصدر دخل عن طريق الانترنت او العمل من المنزل فتقدر انك تشتغل علي منصات العمل الحر اللي بقيت منتشره بشكل كبير دلوقتي. 

ودا عن طريق انك بتعمل حساب علي اي منصه من المنصات دي زي خمسات وغيرها وتقدم خدمتك او تقول انت بتقدر تعمل اي وانا كعميل بطلب منك الخدمه دي مقابل مبلغ من المال وبعد ما استلم منك العمل بيتم تحويل المبلغ لحسابك على الموقع ولكن لازم نحط في اعتبارنا ان الموقع بياخد نسبه منك على كل خدمه والنسبه دي بتختلف من موقع للتاني. 

وبكده هتقدر انك تقوم بالعمل اللي لازم انك تقوم بيه من خلال بيتك بدون الخروج منه او بدون اللقاءات المباشره. 

طيب اي هي مزايا العمل من المنزل؟ 

العمل من المنزل له الكتير من المزايا زي انه بيقلل الضغط اللي واقع عليك او من المشتيتات اللي ممكن تليهك او تعطلك عن القيام بعملك زي الرد على المكالمات بخلاف اذا كانت دي وظيفتك اصلا فدي حاجه تانيه. 😊 او غيرها من الملهيات. 

كمان العمل من المنزل ممكن يساعدك علي زياده الإنتاجية ودا لانه بيوفرلك الحريه في العمل والتخلص من الضغط اللي ممكن يكون موجود عليك في الشركه. 

  بخلاف انك بتوفر نفقات التنقل من والي العمل ومش بتكون قلقان بخصوص الحضور والانصراف واللي غصب عنك هتلتزم بيهم خلال عمل خارج المنزل في مقر الشركه. 

ولو انت موظف فدا مش معناه انك المستفيد الوحيد او ان مزايا العمل من المنزل ليك انت فقد، لكن كمان مقر العمل او الشركه كمان بتستفيد من مزايا العمل الحر او العمل من المنزل زي انها بتقدر توفر مصاريف المكاتب من كهرباء وماء ومكاتب واجهزه كمبيوتر وغيرها كتير من الأشياء اللي لازم الشركه توفرها ليك كموظف في حالة العمل داخل مقر الشركه او ك In Door. 

كمان حل مشكله الغياب من العمل لبعض الموظفين وتعيين موظفين اكتر لخدمه أهداف الشركه او المؤسسة لأن العمل قام علي المنزل ومش هيحتاح توفير مساحه للموظفين الجداد او حضورهم.

ال 9 نصائح للعمل من المنزل:

 طيب اي هي النصائح للعمل من المنزل واللي لما اتبعها انا ك فريلانسر ممكن تخلي الموضوع مجدي ومفيد بالنسبه ليا. 

النصائح اهي عشان تعرف اني مش حرماك من حاجه 🙄👇

1/ خلي ليك روتين محدد :

اهميه الروتين بتتمثل في انه يساعدك علي الإنجاز خلال العمل من المنزل ومثال علي دا انك تلبس لبس معين للعمل بدلا من الملابس المنزليه لأن دا بشكب غير واعي بيخلي عقلك يفهم انه اللبس دا معناه اني هشتغل دلوقت زي عشان اقدر اني احقق الموازنه في الانتاجيه بين العمل من المنزل والعمل من داخل الشركه. 

او انك تحط خطه للعمل من المنزل وتلتزم بيها وتقول عليها لأهلك في البيت زي اطفالك وزوحتك وكل من يعيش معك في منزلك بحيث انهم يقدروا ان دا وقت لشغلك عشان مش يعطلوك بالكلام او بأي حاجه تانيه. 

ومن ناحية تانيه انهم يشجعوك علي العمل من المنزل وإنهاء العمل للجلوس معهم. 

وبمناسبة الجلوس معهم متنساش نفسك ولازم تتحرك من وقت للتاني أثناء قيامك بعملك عشان تسترجع نشاطك وماتحسش بأي ملل. 

يعني تأخد فترات راحه من وقت للتاني مهمه جداً عشان صحتك صدقني. 

2/ جهز مكتبك المنزلي :

عشان تقدر تتبع العمل من المنزل كنظام لشغلك يفضل انك توفر طاوله وكرشي ثابت خلال العمل عشان مش كل مره تقرر فيها تبدأ في العمل تدخل في دوامة البحث عن مكتب او طاوله وكرسي. 

كمان تجنب العمل علي الاريكة او غيرها من الطرق اللي بتكون جلستك فيها مش سلميه وممكن تضر بصحتك وصحة فقراتك. 

تقدر كمان تستعمل سماعات الرأس خلال العمل من المنزل عشان تقلل التركيز مع العالم الخارجي كمان هتحتاجها جداً خلال عقد الاجتماعات الافتراضيه وا من خلال ادوات كتيره متوفره علي الإنترنت زي زوم وغيرها. 

3/ هيئ مساحة للعمل:

يفضل ان يكون ليك غرفة خاصة للعمل من المنزل حتى تتجنب الازعاج ويكون لها باب خاص عشان تقفله عند الضرورة خلال عقد الاجتماعات اون لاين او عشان تركز بشكل اكبر خلال العمل واذا مش موجود غرفة لازم تخصص مكان مناسب للعمل.

4/ استخدم رقم هاتف خاص بالعمل: 

لو قررت انك تعمل من المنزل يفضل ان يكون ليك رقم هاتف خاص بالعمل عشان تتلقى عليه مكالمات العملاء او زملاء العمل في الوقت اللي انت محدده للعمل وعشان ما تختلطش عليك الامور عند الرد على المكالمات. 

5/استعمل شبكة انترنت خاصة بيك :

 من المهم انك تهتم بحماية سرية معلوماتك طالما قررت العمل من المنزل واحدي الطرق اللي تساعدك علي كدا ان يكون ليك شبكة افتراضية خاصة بيك بدل من استعمال شبكة واى فاى مشتركة مع اشخاص تانيين وبكدا انت مش بس بتضمن حمايه عملك لا انت كمان بتضمن ان يكون عندك اتصال بالإنترنت بدون انقطاع لأنك أنت اللي بتتحكم في الشبكة وليس شخص اخر.

6/ خليك على تواصل مع زملاءك :

عشان ما تحسش بالعزلة خلال العمل من المنزل او انك لوحدك اللي بتشتغل او تفقد مود العمل الجماعي أو غيرها من الأشياء اللي من خلالها تقدر تنجز اكتر وتحس بمتعة العمل خلال العمل من المنزل؛ يفضل ليك انك تتواصل مع زملائك في الشركة واللي بيكون ليهم اهتمامات مشتركة معاك وتقدروا تتواصلوا مع بعض من خلال برامج الدردشة عبر الانترنت ولو كنت بتعمل بشكل حر تقدر انك تبحث وتتواصل مع اشخاص مثلك يعملوا في المنزل عشان تستفيد منهم ومن تجاربهم. 

7/ احرص انك تحصل على فرص تدريبية : 

في كتير من الأحيان الشركه بتوفر للعاملين فيها تدريبات تقوي من مستواهم الوظيفي ومهاراتهم الوظيفيه، وممكن كون انك بتعمل من المنزل يؤثر علي انك ما تقدرش تحضر الدورات دي فمهم جداً انك تطلب من الشركه توفير دورات تدريبية تطور من مستواك الوظيفي.

8/ حافظ على تفاعل أطفالك :

تقدر من خلال العمل من المنزل انك تحافظ على تفاعل اطفالك عن طريق انشاء فصل دراسي بالمنزل عشان تساعد اطفالك على التعلم من خلاله وتقدر انك تعمل ليهم جدول دراسي مشابه لما يجدوه في المدرسة وبالتالي يستفيد اطفالك منك كمدرس ليهم وبعدها ترجع لعملك في المنزل.

9/ استغل مميزات العمل من المنزل :

ودي اهم نقطه في المقال دا نقطه انك تستغل كل مميزات العمل من المنزل زي انك موجود مع أسرتك وقت اكبر فتحسسهم بفرق وجودك بانك تساعدهم في أعمال المنزل زي الطبخ والاهتمام بالحديقة و واجهه المنزل وغيرها من الأعمال اللي بيكون ثعب انك تساعدهم فيها بحكم وجودك الدائم في مقر العمل عشان كدا وعشان مزايا تانيه كتير انت مهم انك تتعلم مهارات الاستغلال.

 وبكدا يا أصدقاء احنا خلصنا مقال اليوم لو حسيت ان المواضيع اللي تحت دي تفيدك فمتستخسرش في نفسك حاجه واستغل المعلومات واستغل وقتك؛ تطبيق عملي اهو على مهارة الاستغلال. 😉

اسيبك مع المقالات 😊👋

*   كورسات ادوات التسويق الالكتروني  اضغط هنا 

* اهم تطبيقات العمل من المنزل اضغط هنا 

*منحه ال ITI وزارة الاتصالات اضغط هنا 

* منحه وزارة الاتصالات وتكنولوجيا المعلومات للشباب مع فرص التوظيف المميزين اضغط هنا