الكتابة موهبة أم مهارة مكتسبة؟
:محتويات المقال:
1- تعريف الكتابة.
2- أنواع الكتابة.
3- الكتابة موهبة أم مهارة مكتسبة؟
4- تطوير مهارة الكتابة.
5- كورسات مجانية لتعلم الكتابة.
عبر مر السنين بدأت أقدم الحضارات في البحث عن طريقة تخلد بيها ذكرها وتدون تاريخها عشان يوصل لأحفادهم الأمجاد اللي حققوها. والكتابة كانت الحل الأمثل لحفظ وتدوين تاريخهم.
في البداية الكتابة كانت وسيلة للتدوين وحفظ العلوم والاكتشافات اللي توصلوا ليها. علي مر الزمان الكتابة أصبحت أداة للتعبير عن الرأي وتخليد الآثر مش بس طريقه لحفظ المعلومات والتأريخ.
كتير نفسهم يتعلموا الكتابة وكتابتهم تكون مميزة. بس دايما الحجة بتكون أن الكتابة موهبة فطرية مش مهارة بننميها بالممارسة والتعلم. بس قبل م نجاوب على سؤال الكتابة موهبة أم ممارسة..لازم نعرف تعريف الكتابة المبسط.
تعريف الكتابة:
الكتابة هي أداة اتصال لغوي ينقل فيها الكاتب افكاره وآراءه ومشاعره للقارئ من خلال تدوينها على الورق أو غيرها من أدوات الكتابة. ولكل شخص طريقته الخاصة في التعبير عن أفكاره.
لكل شخص أسلوبه الخاص في الكتابة والتعبير..وده يوصلنا لأن كلنا نقدر نكتب، ببساطة هتحتاج تتعلم قواعد الكتابة الصحيحة، تعرف تستخدم علامات الترقيم بطريقة صحيحة وتتعلم أساليب وقوالب الكتابة الرئيسية لكن هل بالطريقة دي نقدر نكتب كل أنواع الكتابة؟
الحقيقة أننا محتاجين نتعرف على أنواع الكتابة الأول وبعدها نحدد إجابة السؤال.
:أنواع الكتابة
في أنواع و أشكال كتير من الكتابة لكن هنا هنكتفي بالتعرف على الأنواع الرئيسية وهي الكتابة الإبداعية والكتابة العملية.
النوعين دول هم المظلتين الكبار بتندرج تحتهم كل أنواع الكتابة بكل أشكالها زي القصص، الخواطر، الشعر، المقالات والكتب العلمية وغيرهم من الأشكال والقوالب المتنوعة.
الكتابة الإبداعية: بتستخدم في كتابة الروايات،القصص، الخواطر، الشعر والمقالات. وده لأنها كتابة فنية وبتستخدم للتعبير عن المشاعر والإنفعالات والتجارب الإنسانية بكلمات وعبارات تسمح للقارئ بالتفاعل الكاتب. وهي أسلوب ابتكاري تختلف من شخص لشخص عن طريق الظروف اللي بيمر بيها وتجاربه الحياتية. وغالباً هي كتابة فطرية أو زي م بنقول موهبة بيتولد بيها الفرد وبيطورها من خلال االإطلاع، التدريب المستمر وتعلم مفردات جديدة.
الكتابة الوظيفية أو الكتابة العملية: نوع الكتابة هنا رسمي أكتر من الكتابة الإبداعية. بنستخدمه لحاجه معينة زي كتابة الإعلانات والمراسلات والتعليمات والكتب العلمية. النوع ده مش بيحتاج موهبة ويقدر أي أنسان يستخدمها للتعبير عن غايته وحاجته، كل اللي بيحتاجه عشان يبدأ كتابة النوع ده هو الممارسة وتعلم أساليب الكتابة.
نيجي لأهم سؤال وهو الكتابة موهبة فطرية أم مهارة مكتسبة بالممارسة؟
الإجابة متروكة هنا لنوع الكتابة المختار. الكتابة عند البعض موهبة لكن ممكن أي شخص يتعلمها كمهارة لكن بعض الأنواع تعلمه كمهارة صعب شويه مش مستحيل زي الكتابة الإبداعية.
يعني أنت عايز تكتب شعر أو رواية بالتالي هتحتاج تستخدم تشبيهات وخيالات وجمل مبتكرة وهنا محتاج يكون عندك موهبة عشان تقدر تكتب جمل جمالية منمقة. لكن لو هتكتب مقال أو بوست تسويقي أو كتاب مبني على عرض المعلومات فأنت محتاج تكتب جمل مرتبة ومنظمة بناء علي القالب اللي بتكتب على أساسه.
تطوير مهارة الكتابة
عشان تعرف تكتب محتاج تكتسب شويه مهارات بجانب مهارات الكتابة. عن طريق المهارات دي أسلوبك في الكتابة هيتطور ويتحسن وتقدر تكون أسلوبك الخاص الممكن يساعدك كتير .في تحويل المهارة المكتسبة لمسافة مقاربة للموهبة الفطرية
المهارات هتساعدك في تطوير كتابتك هي
تعلم قواعد اللغة: قوي مهاراتك في استخدام قواعد اللغة التي تكتب بها لتطور من أسلوب كتابتك.
التدرب المستمر على الكتابة: عليك الكتابة يومياً والاستمرار في التدرب على استخدام صيغ جديدة فالتدريب المستمر يقلل من التوتر والخوف عند الكتابة.
القراءة: فالقراءة من اهم المصادر هتساعدك في تطوير أسلوب كتابتك وتعلم مفردات جديدة وصياغة الجمل بشكل قوي. وكمان القراءة هتوسع خيالك ومعرفتك وتقدر توفرلك مصدر مهم لإلهام الكتابة.
حلل كل ما تقرأه: كل كتاب أو مقال تقرأه حاول تتعلم منه وتفهم أسلوب الكاتب وقدرته علي ربط جوانب الموضوع التنقل بسلاسة وده طبعاً هيساعدك في تطوير كتابتك والتعرف على الأساليب المختلفة.
التدقيق اللغوي: بعد م تخلص كتابة النص لازم تراجعه وتعدل الأخطاء الإملائية واللغوية. وممكن في الجزء ده تعتمد على مدقق لغوي فاهم كويس في القواعد اللغوية يساعد في تصحيح نصك المكتوب.
التطوع: تطوع في اماكن كتير عشان تدرب علي الكتابة وحاول تحصل علي تدريب أو تأخد كورس يساعدك تطور مهاراتك الكتابية وكمان يكون في حد يصححلك أخطاءك ويرشدك للطريقة الأمثل بالنسبالك.
:كورسات مجانية لتعلم الكتابة
كورس تعلم كتابة المحتوى التفصيلي علي يوتيوب من قناة
A7traf freelance academy
ده كورس مهم جدا هيساعدك تتعلم الكتابة بشكل عملي واحترافي.
منصة اجتهاد علي يوتيوب فيها قائمة تشغيل اسمها دورة العمل عبر الانترنت عبر بلوجر. هتتعلم كتابة المقالات بشكل احترافي منها.
و دي بلاي ليست عن كتابة المحتوى علي قناة معتز أبو زيد يوتيوب.
الكتابة مش مقتصرة علي الموهبة الفطرية عند البعض، أنت تقدر تتعلم لكتابة لأنها مجال كبير ومهارة مهمة تقدر تتعلمها وتوصل بيها أفكارك ومشاعرك للأخرين وتكسب بيها الناس لأن الكتابة قوة ومهارة مهمة لازم تحاول تقتنيها هتساعدك كتير في كل مناحي حياتك وهتزود ثقتك بنفسك وهتخلي الأخرين يثقوا فيك.
وللمزيد اقرا عن اهم مهارات الكتابه من هنا
كُتب بواسطة: أسماء أشرف
مهارة الكتابة PDF
تعريف مهارة الكتابة PDF
بحث كامل عن مهارات الكتابة
مهارات الكتابة العربية
أهمية مهارة الكتابة
بحث عن مهارات الكتابة PDF
مراحل مهارة الكتابة
مهارة الكتابة في الاتصال